4 Luglio 2012
Categoria : versos in limba
Ammentos de amore de Antonello Bazzu a contivizu de Domitilla Mannu
L’ isco chi ti nde ries
luna
dei cust’istranu mundu
in s’eternu andare tou.
Narami,
inue sun sas istellas
chi pius no attoppan sa notte
a s’ora ‘e s’accunortu?
Issas puru forsis, an leadu
sa sèmida ‘e s’ismèntigu,
timorosas amantes
curren in sa memoria de dies lenas,
chi oramai non torran pius.
De a issa como mi mancat
s’umidu respiru
ei sa ‘ucca bramosa,
de sos ojos s’abbaidada
pruinca ingannadora.
Ei sos poddighes
minudos
in sos pilos mios
lascos…
sos carignos…
e ancora…
ancora ‘e sa ‘oghe
su sonu bellu…
e de a issa
tottu, m’ammentat amore!
Biografia e altre liriche in www.luigiladu.it
