Accademia sarda di storia di cultura e di lingua > Benide a mandigare a domo mia de Anghelu de sa Niéra
1 Novembre 2010
Categoria : versos in limba

Benide a mandigare a domo mia de Anghelu de sa Niéra

Benide a mandigare a domo mia
animas chi gia m’azis ajuadu
Bos siet sa banca aparitzada ebia
de ciciones de inu e de dulcadu

gradida, che cando cun bois fia
e cun dulcura gia m’azis pesadu.
Lasadu logu   at su sole   at sa iddia
e deo pro bois  tando apo pregadu.

Benide a istranzare animas caras
Totu sa banca est solu pro a bois
In custa note de paghe e de amore

Prima de boch’andare, tocademi sas laras
comente sempre amus fatu a bois
e   torrade luogo dae  Nostru Segnore.

Puoi seguire le risposte attraverso RSS 2.0 feed. Sia i commenti che i pings sono al momento sospesi.

Commenti

  1. Cumlimentos a s’anghelu de sa nièra difatis cando in chegja
    sonat un’agonia,custas cuntierras s’intendene de aberu,
    in su leggere su cumponimentu paret de vivere s’arregiònu veritabile,dende s’impressione chi umpare a custas duas comares bi fimus finas nois.Cumplimentos!!!!!

    minnia pani
    Novembre 3rd, 2010

  2. Cara Minnia, so cuntentu des sos complimentos chi m’as fatu, ma prima de totu los fato a tie chi ses una brava iscritora in limba. Iscujami si mi so cunvertidu a iscriere in limba sarda comuna, francu sos isbaglios, sa mastra mia Domitilla Mannu, est pasende unu brutu momentu e at pagu tempus a mi curreger sos isbaglios, ma tua perdona.
    Unu forte abratzu
    Anghelu

    scriptor
    Novembre 4th, 2010
RSS Sottoscrivi.