Su Tribunale de sa Pubblica Ciarra de Idda de Anghelu de sa Niéra
Foto di Mario Unali
-Compare Braghe’ abba’ ite estire mutzu cussa pitzinna.-
-Compa’ no c’at pius pudore. Ello in tempos antigos sas feminas non ti faghiant bidere mancu sos pes.-
-Ello, narat compare Frassetto, deo las aia custrintas a torrare a sas muddeddas de su tempus de sa grande gherra.-
Abbascende sa oghe su vicesindigu narat:-Malasorte su fascismu at arruinadu totu, A bos ammentades cando in Cudinarasa andaimus a fagher s’adunada, Ite bellas coscias comare Pedrutza!-
Palombaro:- Tando si chi fimus allipuritzados. Bellas coscias cando faghiant sos brincos!-
-Abbaidade custa pitzinna ch’est passende como, s’ident finzas sa tittas.-
Narat su Nuvvesu.
-Male da ogni dolle dolle, compares mios, custa però est frantzesa.-
Ripicat tiu Braghetta.
Tiu Matzone:- Deo, a custu puntu, las aia custrintas a si covacare e poi si sos piseddos allipuritzados li si etant che su trau a s’aca…ma lasssamus perdere. Ma fiza de chie est cussa?
-Sa mama est frantzesa! narat tiu Palombaro.-
-Custas frantzesas faghent s’agamu!- Ripicat tiu Frassetto.
Su rellozu de cheja sonat mesudie.
Su vicesindigu s’inde pesat e:- Como est ora de ustare est. Bastat cun custos loroddos, ello chi parimus feminas!.-
Compare Palombaro:-Compa’ nois semus omines e su chie est un imbagliu lu devimus zuigare.-
-Beru beru, como andamus a bustare! A istasero!-
Su Pubblicu Tribunale de sa Ciarra at finidu su dibattimentu e como andant totu a domo a mandigare che sette canes, a matta franca.
