9 Gennaio 2009
Categoria : versos in limba
Caminas ancora di Giovanni Soro
A cura di Domitilla Mannu
Caminas ancora
a passu istraccu,
sutta sa luna che nie,
e dimandas agiudu
cun boghe pibiosa…
T’iscultan sas pedras
nieddas chi lagriman
samben in s’ultimu
donu.
Coros de seda
curren in su mundu
e non biden
sas piaes alluttas
chi ‘occhin su coraggiu
e brujan sas isperas.
E… caminas a passu
istraccu
e ti firmas
isconsoladu,
pessamentosu…
Anda,
camina e pasa,
ca su sole de su manzanu
t’at a istringher sa manu
cun ojos de allegria.
Nots: Amus rispetadu s’ortografia impitada dae s’autore.
