“Sa ‘innenna” di Pietro Meloni V.E.N.
Ido in binza budrones de oroest arrivende muntone de zente
pro segare crannatza cun nepente
bellu trabagliu ch’allegrat su coro.
Carradellos innantzis a sa janna
de sas domos a fora de chentina,
su ‘inu est che bona meighina
sa ua paret pro sa “Festha Manna”.
Unu “signu ‘e rughe” a sa ‘ide
pregadorias pro sa bon’annada
faghimus tott’umpare sa cantada
e s’istrinta de man’in bona fide.
Sas pischeddas prenadas de budrones
in sos carros a boes barriadas,
iscurrent dà su laccu sas coladas
de cattigad’a pês chen’iscarpones.
Su gosu mannu tott’est poesia
su nuscu de su mustu nos aggradat
e puppujones de ua già bi nd’at
los cattigamus a s’antig’ebbia.
In bertula arribbadu est s‘ustare
post’in banca “donzi bene ‘e Deu”
casu, sartitza a sabore meu
pan’e salamu bon’a mandigare .
Festa est como cun sa cumpagnia
cant’a chiterra, girò vermentinu,
d’annu passadu est bonu su ’inu
ballad’e cantat fintzas Tia Maria.
Damus “sa parte” a totta sa zente
e ‘nde lassamus pro sos dimandones
a Cheja mandamus duos budrones
cuntentops in siu coro e fin sa mente.
P.M. Sassari – 25 settembre 2021
Puoi seguire le risposte attraverso RSS 2.0 feed. Sia i commenti che i pings sono al momento sospesi.