Maria Sale vince il I premio Logudoro di Ozieri con “No mi lesses…” “Non lasciarmi…”
No mi lesses…
Bestigas d’’entu bolan carignosas
iscurrizend’in àndalas sestadas,
che truvan sas nues, iscameddàdas,
in baddes malas galu iscurosas.
Inie bramas, de oras nuscosas,
bajulan atzas chen’esser domadas.
E bizan notes, cun manzanos feos,
tentende bisos cunzados intreos.
Las bid’ogn’ora, fatend’atrivida,
s’iscuru lènde a giunt’e francàda.
Gherrende sorte, pius peleàda,
cun sa cara pista e cunsumida;
pro ch’in beranu siat ingranida
s’alzol’’e isteddos ben’assentàda.
E bi restet pinta sa caminera
de paza lughent’in mesu s’aèra.
Ma ti nd’ammentas de sas serentinas,
in s’istadiale, cantas caldànas?
O cando arestes e giogulanas
sas rosas de maju fin chen’ispinas.
Festas de gosu, totu sas fainas,
dies intreas e notes galanas.
Bovida manna, fis aparitzada,
tue fis consolu a donzi mirada.
Però, como, no mustras cara netta,
s’a discansu ti chirco donzi tantu.
Ne mi gighes a logos de incantu,
che timeras de atere mineta.
E non t’’ido lùghida e chieta,
pro t’intender, serenu, calchi cantu;
sos chi tue, sighisti cun s’ojada
manizende sa dulche serenada.
Ma oe, no mi lesses isetende,
torradinde cun megus, risulana.
Man’a pare falamus a funtana
e giogamus cun s’abba ch’est birende.
Ma prite no t’ispijas, ses fuende,
e non lughes nemmancu, ses istrana!
Como, luna, de atere ses fada,
sa funtana de giogos s’est siccada!
In italiano a cura dell’autrice
Non lasciarmi
Verghe di vento volan carezzevoli
scorrazzando in sentieri disposti,
pungolano oltre, le nubi sbrancate,
in valli impervie e ancora oscure.
Lì le voglie, di profumate ore,
sopportano ardire mai ammansito.
E vegliano notti, con sgradevoli albe,
custodendo sogni integri racchiusi.
Le rivedo ogn’ora, facendo azzardo,
prendendo il buio a manate piene.
Combattendo sorte, più tormentata,
con il viso pesto e consumato;
affinché matura sia in primavera
l’aia di stelle ben collocata.
Ed il sentiero vi resti dipinto
di paglia lucente in mezzo al cielo.
Ma ti ricordi di quelle serate,
durante l’estate, che gran calore?
O quando selvagge e gran burlone
le rose di maggio eran senza spine.
Feste gioiose, tutte le faccende,
interi giorni e pompose notti.
Immensa volta, eri apparecchiata,
eri tu il conforto per ogni sguardo.
Però, ora, non mostri viso lindo,
se per svago ti cerco ogni tanto.
Ne a luoghi d’incanto tu mi porti,
come avessi timore di minaccia.
Ne lucente e placida ti vedo,
per sentirti, sereno, qualche canto;
sai, di quelli, che seguivi con l’occhiata
maneggiando la dolce serenata.
Ma oggi, in attesa non lasciarmi,
ritorna da me, o ridanciana.
Noi per mano scendiamo alla fontana
e giochiamo con l’acqua che trabocca.
Ma perché non ti specchi, sei sfuggente,
e non brilli nemmeno, sei strana!
Ora, luna, di altri sei la fata,
la mia fonte di giochi è prosciugata!
