Como enit Pasca de Nostru Segnore e in totu sas biddas de Sardigna faghent sa Sagrada Rapresentatzione de Anghelu de sa Niéra
Sas sacras rappresentatziones sunt torrende in sas biddas de Sardigna. Chenabura manzanu chirca muda in sas chejas. Sa Vergine Maria cheret bider su fizu ch’ant mortu sos ebreos umpare cun sos soldados de Roma. Primmu de totu l’ant leadu dae su Monte de s’Oliariu, l’ant ligadu a fune e fatu caminare pro fortza: ognunu fit liberi de lu leare a falada de pes a daesegus de sos benujos, a ciaffos in cara, a colpos in pala istostendelu da una parte e dae s’atera. Che l’ant gitu a fortza dae Anna, dae Pontzio Pilatu, dae Erode e sempre calcunu lu leaida a ciaffos e a faladas de pes. Santa Brigida at apidu s’isvalamentu dai Gesu Cristos : at retzidu 5480 colpos, tantu de ochire un omine. Issu, s’iscuru, ischende chi gai deviat servare sos omines at lassadu faghere.
Fit un omine atleticu e perfetu e at resistidu si no aberu meu l’aiant mortu primmu de l’apicare a sa rughe. Cando l’ant scravadu duos omines mannos cantu de un orriu si su setzidos subra su petus e pro pagu non l’ispacant su dossu. L’ant tiradu e tostadu a destra e a manca e l’ant isjiriadu sos bratzos. Poveru Gesu Cristu meu! Sa passione sua n’at salvadu meda de omines e feminas, ma meda ant andare su matessi a s’Inferru pro s’eternidade. Non nd’ant cherfidu iscrhire de sa passione e morte de Cristos e si sunt dados anima e corpus a su dimoniu. Ant odiadu Deus e sos omines a bortas non nd’ant cherfidu s’intesa e tando chie si cheret irrocare s’irrochede, peus pro issu, finas a sa morte s’ant leadu s’anima a giogu, nd’ant fatu de ogni manera chena perunu pentimentu pro Cristos in sa rughe, intamen ant odiadu puru sa rughe chena sa cale non b’est servamentu. Non ant pensadu a su dolore de s’Addolorada, sa Mama dulche de totu sos omines:Issa puru s’iscura at proadu unu dolore mannu a bider su fizu bisestradu primmu e poi postu in rughe e mortu. Cantu sunt istados profundos sos atitidos de Nostra Signora. Chie non diat pianghere a bidere unu fizu iscutu, fragelladu, leadu a ciaffos, ispintu cun sa rughe in coddu gai pesante chi l’at abasciadu sa pala ue pesaiat sa rughe. Poi l’at bidu cando l’ant scravadu a sa rughe sas manos e i sos pes. Dapoi de tres ors dae su mesudie Cristos est mortu. Cando est ispirest benndu unu terremotu e tando meda tznebte s’est abista chi Issu fit de aberu Fizu de Deus. Atera tzente ch’est falada diretamente a s’Inferru. Ohi Ohi Gesu Cristu meu, servami ca so pecadore e serva sos parentes mios, sos amigos mios,sos biddanos mios e si podes pius tzente si podet in totu su mundu. Deo chirco de mi penetire de sos pecados e de amare Deus e totu s’atera tzente comente tue cumandas. Como isetamus a cras cando a su sonu de sas campanas Gesus dae morte torrat a biu. Nois puru fimus mortos e cun sa torrada in vida de Geus Cristos amus a torrade viver puru nois!
Sas photographias sunt de sa Chida Santa de Nulvi e su fotografu est Mauru Tedde
