7 Dicembre 2013
Categoria : versos in limba
A sa mama de s’emigrante de Giara Posadinu-Tedde
-Adiu!- m’asa nadu -Ses partende!-
Cando mi so detzisu a emigrare
Sos ojos tuos funi lagrimende
Ca su coro no tzessat de amare.
E ogni olta chi che torraia
S’isperantzia tua fut sa frimmada
Ma su trabagliu non l’agatia
In custa terra mia tantu amada.
‘Idia in cara tua sa tristura
manu manu passendeche sos annos
Ischias gia chi in s’ultima paura
non t’alleviaia sos affannos.
Gia t’apo idu in mesu a sos fiores
Chenza ti poder narrer :-Mama mia
So torradu umpare a sos minores
ma non t’ana connotu sende ‘ia.-
