Accademia sarda di storia di cultura e di lingua

D. -Apo idu chi t’ant postu capofoglio!-
A.- Ebbè non t’andat bene?-
D.- No e malasorte, custu est maschilismu beru e propriu. Custas cosas devent finire pro sempre.-
A. -Tando bae a sa Circoscritzione e nara a s’impiegadu chi ti ponzat capofoglio.-
D. – Giustu, cando as chervidu ti che ses bessidu fora dae domo, poi ses torradu e come cheres pure torrare capofoglio!-
A. – Faghe su chi cheres sa matriarca ses tue, deo so innoghe piu che atere pro atire sa pintzione.-
D.- No l’ischis, maccarrone, chi contas cantu una puma?-
A.- No l’ischio, ma como mi lu ses nende!-
D.- E tando o faghes su chi cherzo deo o mi brincas sa gianna, intantu sa legge mi lassa totu sa parte ona de sa pintzione e domos e mobilia.-
A. – Bella cristiana ses e deo chi creio chi m’aisi perdonadu.-
D.- Su perdonu b’est, ma capofoglio cherzo esser deo no sia chi ti enzant torra sos tziripiculos.-
A. – Ma si so diventende etzu cadruddu ite tziribiculos mi devent bennere.-
D. -Ohi no sia chi no ti connosca, giradore peus de giau tou in Frantza. Su sambene no est abba, no b’at nudda ite faghere, cand’unu naschit feminarzu, feminarzu restat.-
A.- A mi finis sa matana. Unu podet isbagliare una borta, duas finas a tres, ma poi ponet carveddu!-
D.- Giradila comente cheres, deo ap’a esser capofoglio e non b’at nudda ite fagher. Antzis dami su restu de sa cariasa.-
A,- Ap’ipesu totu!-
D. Puru ibaulidore ses. Narami tue comente devo fagher cu cust’omine. Deu meu ite rughe!-