No at bidu nudda daeboi de sas istellas: Magarida Hac de Anghelu de sa Niéra
A 91 annos est morta s’iscentziada H. Grande femina, famada in totu su mundu pro s’astrofisica, iscoberidora no isco da cantas istellas e subra totu iscroberidora de sa consistentzia issoro cun sos rajos ulltravioletos. At iscritu meda liberos de iscientzia in modu chi totu in custa nostra natzione esserant connotu istellas mannas e minores. Segundu paritzos istudiados at dadu a s’Italia unu logu de onore in custa dissiplina iscientifica. Sa femina difatis fit non solu grande iscentziada, ma puru grende conferentziera de su chi aiat iscobertu. In pius aiat boghe alta e tosta e no aiat perdidu sa pronuntzia frorentina. Fit cojuada cun d’un omine, ma dae cando si fit cojuada, in cheja, aiat detzisu de no aer fizos (cosa chi rendet invalidu su matrimoniu pro su Coditze Calonigu) e aiat leadu a fizos otto batos e dae sos batos aiat leadu una tzerta atza aggressiva.
Custa femina, manna cant’e un orriu, in vida sua no aiat abbaidadu nen pensadu a su chi bi podiat esser daeboi de sas istellas e fit atea revessa e redossa non solu, ma de custa bideas faghiat propaganda cun su sotiu Unione Atei e Agnostici Razionalisti (in sigla UAAR) de su cale est istada pro meda annos sa presidente e daeboi presidente onoraria e cun custu tidulu si ch’est morta. Pro tota vida at propagandadu s’ateismu non solu, ma s’isbatijamentu, propriu gai, s’isbatijamentu: onzi annu in meda biddas e tzitades italianas a bortas cun chentu a borta cun dughentos e pius faghiant sa festa de s’isbatijamentu iscriende a su prideru de sa parrochiale de nd’eliscantzellare dae su registru de sos batijimos e tando su prideri leat custa dimanda e la collocat in sa pagina de su batijimu e cun d’una litera faghet iscriere chi sa pessona est iscomunigada in totu e nen podet fagher de padrinu o de madrina, ma nemmancu sas oratziones in cheja e puru su seppellimentu. Difatis sa femina che l’ant gita a campusantu in segretu e l’ant fati s’interru laicu chena Deus e chena rughe. Unu si dimandat comente epat fatu custa femina, daeboi de aer contempladu pro tota sa vida s’universu e restare atea, pro a issa nachi chi Deus che l’amus in conca, ma no esistit nudda. Amus a bider comente b’est restada cando s’est presentada a Nostru Segnore chi appretziaiat comente unu grande omine, ma no Deus. Issa naraiat de amare su prossimu che totu sos cristianos, ma in Deus non creiat e faghiat semper proganda de ateismu comente azis a bider in sa foto chi ponzo a sa fine de custos consideros. Nois pregamus su matessi pro aissa chi magari che Santu Thomas cando at aer bidu Deus podet esser ch’epat nadu:-Deu meu, Segnore meu!- Totu su sotiu chi aiat fundadu pesseghit però a fagher propaganda de ateismu. Chi no li fetat pesu! Podet esser però chi intamen de idere a Deus epat bidu sa diamoniu conchi ruju e rie riende si che siat andada a si brujare pro s’eternidade friastimende Deus e su naschimetu sou e totu che i sos dannados a istare a su narant sas misticas.http://concristopietrevive.forumfree.it/?t=35869039
Su manifestu de sos ateos chi s’arruinat de peresse!
