19 Maggio 2013
Categoria : eventi straordinari
“Est Bentu chi movet sa barca a vela s’Ispiridu Santu” de Anghelu de sa Niéra
Est su Bentu
chi movetsa barca a vela
S’Ispiridu Santu
de su coro tou,
narat
Franciscu
Papa santu.
S’Ispiridu
de Deus
in su mare
de sa vida
la faghet currer
a bolu!
Aiseta tue consolu
e alimentu
a sa fide tua
in d’onzi momentu.
Non b’est anima
frimma
che nave
in portu
chi s’Ispiridu Santu
non potat
movere lestra
in s’unda
de su mare
de s’Amore
chena fine.
Beni
Ispiridu Santu
beni dae su Chelu
e mandanos sa lughe
che faru
pro sa barca a vela
chi nos gitat in Chelu.
E tue Mama de Bonaria
chi de Issu ses Isposa
pregalu pro a nois
Mama piedosa.
