Prèmiu Literàriu “Nanneddu Chighine” 2012 Ittireddu de Domitilla Mannu
Su 24 de sant’Andria, in Ittireddu in sa sede de su Museu, s’est congruida sa de 22 editziones de su Prèmiu Literàriu “Nanneddu Chighine”. B’at de li dare bantos a custa biddighedda ca tenet fizos chi li faghent onore e custu Prèmiu literàriu nd’est una testimonia. Su caminu sinnadu dae su biadu de Mateu Spensatellu est sighidu a primore e de seguru , est custa sa mezus manera pro l’ammentare e pro nde onorare sa memòria. Mancari devende parare cara a dificultades meda, massimu a totu finantziàrias, sos ammanizadores de su Prèmiu, cun s’agiudu de Teta Spensatellu e de s’Assòtziu “Issir”, annoant e testimoniant, annu cun annu, su sentidu fungudu de amore pro sa cultura e ” pro sa limba sarda, chi cun s’imprenta sua, nos at dadu sa prima identidade comente fizos de custa terra” custas sunt peraulas chi si legent in su verbale de sa giuria. Cun custos cumbinchimentos fungudos e fortes custu Prèmiu at fundamentos bonos e de seguru at a andare a in antis pro annos meda. Est istadu imprentadu su libereddu cun totu sas operas premiadas e meressit de èssere sinnialada sa presentada, piena de cussideros e de meledos de giudu de Franco Campus, Presidente de s’Assòtziu “ Issir “. Ocannu de poesias nd’at arrividu pius pagas de s’annu passadu, ma su livellu est altu meda, e custu est unu sinnu de importu. Sas poesias tocant sos anneos de sa vida e de sa sotziedade, sa fide ch’est benzende mancu, sas dificultades de sas famìlias, sa mancàntzia de trabagliu, su disisperu de sa gioventude, s’indiferèntzia de sos politicos e de sos “meres” de s’economia, chi non si leant perunu pessamentu de sos bisonzos de sa zente.
Sa giuria cumpònnida dae Diegu Satta, Presidente e dae Teta Becciu, Nino Pericu, Tonino Rubattu, Tonino Satta e Frantziscu Cossu, Segretariu, at seberadu custas operas de premiare.
Setzione Poesia in rima “Nanneddu Chighine”:
1 Mauritziu Faedda de Ittiri “ A s’interighinada
2 Antoni Sannia de Bortigali “ Oro nieddu… fizu meu
3 Anghelu Porcheddu de Banari “ Istanotte
Mentziones de onore sunt tocadas a :
Gonario Carta Brocca de Dorgali“notte iscurosa”, a Dante Erriu de Silius“ Mi castiu”, A Nino Fadda de Thiesi “ Sa televisione de oe”.
Signalaziones ispeciales a Giacomo Chighine “ A s’amada terra mia” e a Maria Fresu “Barant’annos a oe “ ambosduos nàschidos in Ittireddu.
Setzione Poesia chentza rima “Mateu Spensatellu”
1 Vittoriu Sella de Siniscola“ Canto umanitate in afannu”
2 Madalena Spano Sartor de Tàtari “Spiculendi”
3 Giangranco Garrucciu de Tempiu “Illa to notti”
Mentziones de onore:
a Gigi Angeli de Palau“Tandu…candu…aba’!?! a Maria Tina Biggio de Calasetta “Sorpa” a Salvadore Sini de Berchidda “ Rejones.
Setzione prosa “Gavinu Cherchi”
1 Giuliana Demurtas de Olbia pro su contu “Olimpia
2 Mariantonia Fara de Semestene pro su contu “ Gelusia Intzegajola
Mentzione de onore a Annamaria Careddu de Tàtari pro su contu “ Frizia”.
