31 Dicembre 2012
Categoria : versi in gallurese
“Passi toi e mei” de Maddalena Spano Sartor
Passi toi e mei
Appugghjata a me, moi
passi incelti e timurosi.
Una ‘olta eri tu a
tinemmi in pedi
illu pamentu di la ‘ita.
Tu mi rigghji cu la spiranza,
eu cu l’affasciu.
Unu, dui, tre, cattru…
l’ossi, lizzinati da la malatia,
sò fraggili comu ali di mariposa.
No dei trambuccà!
Agghju in manu la to’ ‘ita,
mamma, comu un tempu tu
rigghji la mea.
Unu, dui, tre, cattru, cincu…
dugna dì un passu in più.
Lu rilociu sona lenti rintocchi,
è ora di spunì.
Ti posi comu puppia stracca,
abbandunata da lu ghjocu.
Di lu dulori l’umbra d’una
agrima vicu illu salutatti.
Ti salutu in pressa, palchì
ancor’eu agghju l’occhj appannati
da lagrimi trattinuti, chi
no voddhu mustrà
a te, a me, a l’intrinata.
