28 Ottobre 2011
Categoria : versi in italiano
Custu ider cheria di Giovanni Soro
Ite ‘ider in bois cheria,
fizos de su coro,
dechidos risos
de tempestas serenas
chi carignan’ s’anima
cun manos de lentore
e abbratzan’ cuntentas
sos caminos patìdos
de s’ispera.
Oh! No es’ moribunda
sa die
in caras chi pedin’
e miradas de luna
e ojos de sole
e amores de mamas.
Cantare cheria cun bois
cantones de ‘eranu
in mesu a chelos
de ispantu
e cun bois allumare
fiores de allegria
pro bugnos de omines
ingratos.
Oh! No es’ moribunda
sa vida
in coros chi aman’
e disizan’
e pigan’
chen’ischire
a s’altare ‘e su dolu
ue brotan’ sas voluntades
de sos sonnios
prommissos
in su mundu de lughes
felitze.
Custu ,
fizos de su coro,
in bois
bider cheria
