Bidda a car’a bentu di Maria Sale a cura di Domitilla Mannu
Intrat e fuet su ‘entu
in sos carruzos istrintos,
e inghiriat contonadas
cun pinzellos infustos,
in laccheddos de sole.
Cun manos pedrosas
carignat rundas
e concheddas de janas.
Bandidore ‘e sas novas,
bendidore ‘e sa sorte,
berdulariu chi fuet
e torrat e istruet
e triulat e affianzat……
Sun manizos de ‘entu
cando fruscu intrat
e tzoccat sas campanas
e nos intronat’in coro.
Bolos de piuere
coberin sinnos
e nuraghes concudos,
chi ancora tenen
sas pedras umpare.
Sos assentos suos
lassat iscrittos
in pijas de caras,
a s’ispingh’e arrumba
in sa costera,
de suelzos mannos,
imbenujados,
pro un’iscaza ‘e sole….
Ojos pitzinnos isperian
sa camba ‘e mare mannu.
Turmentu antigu restat…,
Carigno s’impedradu
in carrelas boidas.
Bentu frittu in coro
istasero punghet……
“BIDDA A CAR’A BENTU” menzione all’edizione 2011 del premio Elighes ‘Uttiosos’ di Santu Lussurgiu,
Commenti
Il vento, simbolo della forza del destino, tutto tocca, tutto invade, “allu chi paret si siant pesados sos dimonios,” come dicono in paese, ma l’annotazione finale accresce il simbolo: il vento freddo è capace di macerare anche il cuore.
Un bel dono, Maria, ha inizio da qui nella nostra academia sarda la tua cavalcata, nel vento!
Augurissimi.
Angelino
Ottobre 9th, 2011