Su contu de donnu Donadu in pabilos antigos di Salvatore Cambosu (in sardo e in italiano)
Custu contadu l’apapid’in S’Schiglias de su 1953-1954 vol. III p. 419-420. Cuntentu de l’aer apidu l’apo copiadu pro sos istranzos de custu blog e, si cherent, de luigiladu e de ztaramonte, ma sa veridate, pro pagas peraulas male postas, no isco si dae Cambosu o dae sos tipografos, non si nde ogait atzola a lu cumprendere. Mi so permissu de cambiare calchi peraula e mi paret de l’aet dadu sensu. Mi dispiaghet, ma non b’est cosa peus de non cumprendere, comente narant sos frommalistas russos, sa fabula de unu contu. E duncas como ischimus chi su prebanu narat a donnu Donadu, su fizolu, de si ponner cun Deus, ma isse, cando diventat bajanu…(su contu legidebbollu bois!) A.d.N.
Dall’Archivio Parrocchiale di *
A su tempus de donnu Donadu faghiat de prebanu in custa’idda nonnu Melzeoro, chi tottus li muttian nonnu ca vi bezzu pedrale e li fint fizolos minores e mannos.
E donnu Donadu li fit fizolu isse puru.
E duncas su nonnu li naraiat semper: – Fizolu meu ponedi cun Deu.-
Ca, donnu Donadu male non est chi nde fagheret, si no (pustis) de fagher su baghianu (cando iscominzeit ) die e nocte a fagher sa rebotta, cun d’unu grustiu de amigos fattos a modu e grustu Suo, chi manteniat a mesa franca.
E, riccu che diaulu chi fit, ispende hoe ispende cras, intreit in bezzesa e meda desu suo fit già andadu a gurtugios.
E s’annu prima chi morzesit s’eremitanu chi fit amigu pro s’elemosina manna chi li faghet cad’annu, isse, su donnu, cumente si cunfideit cun sos amigos, no ischiat ite pensare de su chi l’haiat nadu, chi fit torradu ‘ezzu isse, donnu Donadu: e sos amigos li narzein chi fit unu modu ‘e narrer de s’eremitanu. Però donnu Donadu, cando s’abbaideit in s’isprigu, s”isprigu li nerzeit chi fit beru fit imbezzadu gasi tottu in una orta. E tando essende ezzu de non baer rimediu comente si lu guare nerzeit: tempus est chi contos fetemus; e cheriat brullare, ma fint brullas e risu ranchidu. E tando cosa noa li enidi de pensare a sa morte, e chi sa morte de pensare a su chi hait fuliadu, e a su chi l’avanzaiat. Fattu contos li torrat chi podiat bivere a su pius degannos semper in allegria e cantu l’avanzaiat? Unu palattu e una tanca, tanca chi non fiti cussa! Bendendesilos faghiat meda summa e chi li bastaiat deghe annos de fagher vita ‘e prinzipale. Pigat e bendet segat e faghet, mandigat e buffat, totu su ghi li est bennidu a conca fateidit.
E a sos degannos sa… Morte haiat ateru de fagher, ca che fit, ite disacattu, in d’una gherra, inue ruiant cada die a muntones. S’omine gasi eccolu solu. Mancu issa, sa Morte, lu gheriat . Restare isse podiat in su palattu ca l’aiat bendidu chin pattu de che lu ogare da-e mortu, ma ite faghere inie chi senza pius lughe e abba li pariat d’esser biu in d’una cascia ‘e mortu? E tando benit su mere ‘e su palatu e li nat: si mi lu zedis intreu e ti c’andas, calchi cosa t’appo a dare, ca’ cristianos semus. Su riccu torradu a poveru no haiat una sisina pro si fagher un’elemosina. Picat su ‘inari de s’istrozzinu, chi fit un’elemosina ‘e zegu. Sa die a pustis si ponzeit in biazu a ogros a mare e no si nd’hat intesu pius sonu. Per copia conforme Salvatore Cambosu
Il racconto do don Donato in carte antiche. Dall’archivio parrocchiale*
Al tempo di Don Donato (nobile) era parroco di questo paese don Mezeoro, che tutti chiamavano padrino dato che era vecchio decrepito e suoi figliocci erano grandi e piccoli.
Anche Don Donato gli era figlioccio.
Il padrino gli diceva spesso: filgio caro, osserva i comandamenti di Dio.
Don Donato non faceva del male a nessuno, almeno fino alla giovinezza, semplicemente dava sempre festini con gli amici che mangiavano a sbaffo. Ricco com’era, spendi oggi, spendi domani, arrivò alla vecchiaia con i beni dissipati.
L’eremitano, l’anno prima di morire, essendo suo amico per l’elemosina che gli offriva ogn’anno gli aveva detto che stava invecchiando anche lui, proprio Don Donato. Se ne confidò con gli amici, ma questi gli risposero che era più che altro un modo di dire. Appena Don Donato si guardò allo specchio, lo specchio gli rivelò la verità: era invecchiato davvero di colpo. Poiché era invecchiato e non c’era rimedio si disse: – E’ tempo di fare i conti! Avrebbe voluto scherzare, ma le burla e il riso risultò amaro. E cosa strana gli venne in mente di pensare alla morte. a ciò che aveva buttato al vento, e a quanto tempo gli restava ancora. A conti fatti concluse che poteva vivere altri dieci anni ancora in festa. Possedeva ancora un palazzotto e una vasta tanca, che vendendo tutto gli avrebbe permesso di vivere ancora da notabile per dieci anni. Prende e vende, fraziona e si dà da fare, mangia e beve, e combina tutto ciò che gli viene in testa. Passati i dieci anni, attende la…Morte. La Morte però aveva altro da fare, dal momento che partecipava ad una guerra, dove per disgrazia, morivano masse di uomini ogni giorno. Eccoti l’uomo idotto in solitudine, non lo voleva nemmeno la Morte. Egli poteva restare nel suo palazzotto che, vendendolo, aveva contrattato di poterlo abitare fino alla morte. Stare in solitudine in una casa senza luce né acqua era come stare vivo in una cassa da morto. Gli si presentò il padrone del palazzo: ” Se me lo rilascia tutto e te ne vai, qualche elemosina, visto che siamo buoni cristiani, te la farò.” Il ricco ridotto in povertà senza un soldo, prese giusto un soldo di elemosina, da cieco, dallo strozzino e il giorno dopo, con lo sguardo rivolto al mare, scomparve per sempre.
