Il pensiero del dirigente scolastico Gianni Marras sulla delibera della Giunta Regionale Sarda
So unu “Dirigente Scolastico”. Totu custas cosas andant bene meda. Pro me, però, bisonzat de punnare, subra de totu, a ponere sa limba e sa cultura sarda comente una materia obbligada in sas iscolas. Finas a como est totu lassadu a sa bona voluntade de presides e mastros de iscola. Fatende a custa manera, invece, si dat a sos pitzinnos e sas familias issoro unu signale pretzizu chi est chi su sardu est importante meda. Chie de dovere, poi, est costrintu a ammanitzare sos mastros de iscola a imparare sa materia noa a sos iscolanos. Finas a como, nois faghimus progettos cun sas leges regionales n.26/97 e n.3/09 e cun cussa natzionle n. 482/99. Sos progetos fatos cun sa n.3/09 durant 24 chidas e andant puru bene ca podes leare unu mastru dae fora chi nde ischit. Su fatu est chi, a s’ispissa, sunt isulados, imbarant incue e non sighent: non b’est, infatis, sa garantzia de essere torra finantziados. Sos progetos fatos cun sas ateras duas leges, pro aeret su dinari, si devent faghere cun ateras iscolas, chi est puru giustu,ma cando durant pius de un annu si devet isperare chi sos mastros imbarent in ue sunt, chi est una cosa diffitzile cando sunt iscolas minores.
A nos bidere sanos
Gianni Marras
