Accademia sarda di storia di cultura e di lingua

S’Ave Maria de para Innocenti a cura di Mauro Dadea

CANTADA A S’ARREPENTINA

Deus ti salvidi, Maria,

De bellesa e gratzia prena,
De buntadi arricca vena
E sa prus crara currenti.

Su Signori onnipotenti,
Cun su Spiritu increau,
A tui scetti hat preservau
De ogni cruppa Immaculada.

Beneditta e celebrada,
Prus de ogni attra ses groriosa,
Fatta Mamma, Filla e Sposa
De su nostru Creadori.

Benedittu siat su frori,
Gesu Cristu Rei Divinu,
Chi noi mesis in su sinu
Umilmenti tui has portau.

Prega cussu Fillu amau
Po nosattrus, peccadoris,
Po chi tottus is erroris
Cun piedadi si perdonit.

E sa gratzia sua si ’onit
De immoi fintzas a sa morti,
E, in eternu, s’alta sorti
De si bolli in Paradisu.