Cabuderra, bidda amada di Mauro Dadea
Cabuderra, Bidda amada
De unu popolu diciosu.
1. Sacra terra, onesta e fida,
Santa Brabara sa vida
In su logu tu hat donau
E in is Xelus t’hadi artziau.
2. S’aria limpia, frisca e sana,
S’acqua sempri in sa funtana,
De su soli cun s’arrisu
De tui fainti Paradisu.
3. No t’ammancant pranu e monti,
Cuccurinu, e asutta ‘e ponti
Tres arrius, cun su stangioni,
E in su mari imbarcazioni.
4. Po sa cassa ses balenti
In Sardigna e in Continenti,
Siat de xrebu e de sirboni,
De conillu e de pilloni.
5. Esti s’unda tua marina
Tottu prena de sardina,
Lissa, scroppula, maccioni,
Boga, cocciula e capponi.
6. Sa foresta po bellesa
Tenis pari a s’arricchesa
De carrubba, murta e oppinu,
De lustincu e cardulinu.
7. De su sattu a sa tuerra
Is campagnas fainti guerra
Po ti bi’ bella e froria,
E intr’e is attras favoria.
8. Bacca e craba cun brebei,
Cuaddu e proccu, a bona lei,
Bellus pesant e grassittus,
Portadoris de profittus.
(Continua.
