Bobore Figumurisca
Bobore cando si tuccat- pro falare a Badde Manna
a una manu sa canna -e a s’atera su pischeddu
bidu l’at un aineddu,- e derettu si l’attriscat.
Bobore Figumurisca siat nostru intercessore,
siat nostru intercessore figumurisca Bobore.
Falende in sa carrela- che cabaddu turronaju
su collette giughet baju-che melone baroniesu
a Bobore giughet presu- e ligaua a reste frisca.
E Bobore chi sos chelveddos- ti lu lughent che alvadas
prega pro sos noiteddos- e pro sas cabras alzadas
Una notte puntu a lande -chi so ruttu in una trémena.
E passat ziu Micheli -cun su boe purpurinu
sias nostru intercessore -Bobore conch’e luminu
Conch’e luminu Bobore- dae su sero a s’albore
lass’istare su pischeddu e a sezidi in s’aineddu
e no andes solu che maccu cun s’aineddu a faccu
e leadi puru su saccu e baediche lestru a domo
Bobore conch’e tronneu non diventes sempre peu.
