1 Marzo 2010
Categoria : versos in limba
Sardos de mundu de Anghelu de sa Niéra
Popoladu est su mundu
de sese miliardos
lu giramus in tundu
ch’a semus sardos 4
Dae s’Africa niedda
a s’America bianca
in sardu tue faedda
in limba franca. 8
Inue b’est s’istudiadu
inue b’hat missione
ponimus su siddadu
de su sardu sermone. 12
Dae s’Asia a s’Australia
giramus sempr’in tundu
leamus totu a bàlia
sardos de mundu. 16
Zenerosu e zentile
su sardu giradore
puru senza fusile
si move che- i s’astore. 20
Nos cheren sas bajanas
ca semus de peraula
e in domos de janas
issas nos naran faulas. 24
Semus tribagliadores
subra, suta sa terra
ma grandes amadores
finz’in sa gherra. 28
Zente d’ogni zenia
nos atzetat totue
ma sardos de nadia
non imbetzamus cue. 32
